Matumuuna Aasiaat Kommuniat Siunnersuisarfik Inuk Aps.-ilu nuannaarutigalugu
qaaqqusivugut Meeqqavut 2000-mut, tassa meeqqanik kinguaasiuutitigut
atornerlunneqarsimasunik ikiorsiineq pillugu isumasioqatigiinnissamut .
Isumasioqatigiinnissaq nunatsinni siullerpaajusussaavoq. Aasianni kinguaasiuutitigut
atornerlunneqarsimasunik ikiorseeriaatsinik piorsaaneq isumasioqatigiinnermi
tunngaviussaaq.
Meeqqavut 2000 -ip makkua siunertarai:
- Suliniutip suliniarnermilu periutsit ilisaritinneri - iluaqutai siunissamilu
ineriartortinneqarnissaat.
- Sullisseriaatsit nutaat assigiinngitsunik ilinniagallit akornanni
oqallisigitinneqarneri
- Kinguaassiuutitigut atornerlunneqarsimasunik sullissinerit pitsanngorsarnissaat.
- Peqataasussat kinguaasiuutitigut atornerlunneqarsimasunik sullissinissaannut
sakkussaannik tunisineq.
Isumasioqatigiinneq 12 april -14 april 2000. Aasiaat katersortarfianni
ingerlanneqassaaq.
Meeqqavut 2000 oqalugiarnernik kingornatigullu immikkut sammisaqarnernik
tunngaveqartumik ingerlanneqassaaq, taamaalilluni periarfissiisoqassammat
sukumiinerusumik oqallinnissamut paasisaqarnissamullu. Oqalugiarnerit Aasianni
misilittakkanik aallaaveqassapput.
Isumasioqatigiinneq kalaallisut ingerlanneqassaaq, toqqaannartumilli
qallunaatut oqalutseqassaaq.
Akia ilaanissamullu nalunaarneq Isumasioqatigiinnermut akiliutigineqassaaq
2.250,00,- kr. (ullaakkorsiornerit, ullup qeqqarsiornerit, ullaap tungaani
ualikkullu sutornerit, unnukkorsiornerit aammalu naggataarnersiorneq akiliummut
ilaapput). Angalaneq ineqarnerlu tamakkerlugit akia - takuuk Peqataanissamut nalunaarfissaq.
aallaqqaataanut uterniaruit
